बालुवाटारमा चारै सुरक्षा निकायका प्रमुखसँग प्रधानमन्त्री ओलीको छलफल

By | November 22, 2020

काठमाडौं, ७ मंसिर । प्रधानमन्त्री केपी शर्मा ओलीले चारै सुरक्षा निकायका प्रमुखहरुसँग छलफल गर्नुभएको छ । आइतबार (आज) ओलीले प्रधानमन्त्रीको सरकारी निवास बालुवाटारमा नेपाली सेना, नेपाल प्रहरी, सशस्त्र प्रहरी र राष्ट्रिय अनुसन्धानका प्रतिनिधिसँग छलफल गर्नुभएको हो । प्रधानमन्त्रीको निजी सचिवालयका अनुसार ओलीले मुलुकको पछिल्लो समसामयिक विषयमा सुरक्षा निकायका प्रमुखहरुसँग छलफल गर्नुभएको हो । सीमा सुरक्षा, राष्ट्रिय सुरक्षा, प्रतिबन्धित नेत्रविक्रम चन्द्र ‘विप्लव’ समूहका गतिविधिलगायतका विषयमा छलफल भएको बताइएको छ ।

नेत्रविक्रम चन्द ‘विप्लव’ समूहले ७ औं पुनर्गठन दिवस मनाउने तयारी गरिरहेको समयमा सरकारले देशभरको सुरक्षा व्यवस्था कडा पारेको बताइएको छ ।

सबैको जानकारीको शेयर गर्नुहोस !!!

Leave a Reply

Your email address will not be published. Required fields are marked *